Harðort tíst Arons Leví Beck, borgarfulltrúa Samfylkingarinnar, um Baldvin Þór Bergsson, dagskrárstjóra númiðla á RÚV, hefur vakið mikla athygli, og ekki síður frétt DV um málið. Málið snýst um að unnusta Arons Leví, Karitas Harpa Davíðsdóttir, var ekki endurráðin sem dagskrárgerðarmaður á RÚV, eftir fæðingarorlof, en hún starfaði þar sem verktaki.
Virðist sem Aron Leví og Karitas mislíki verst að Baldvin hafi ekki svarað skilaboðum Karitasar um þetta. Frétt DV um þetta.
Aron Leví hafði stór orð um Baldvin og raunar óvenjulegt orðalag þegar haft er í huga að Aron Leví er starfandi stjórnmálamaður, borgarfulltrúi Samfylkingarinnar og gegnir ýmsum trúnaðarstörfum fyrir borgina. Kallaði hann Baldvin meðal annars „frethólk“. Aron Leví hefur enda séð að sér hvað orðanotkun að minnsta kosti varðar og skrifar eftirfarandi afsökunarbeiðni á Twitter-síðu sína:
Þetta var óviðeigandi orðalag. Á mér engar málsbætur. Ég biðst afsökunar.