Loujain al-Hathlou er ung Sádí-arabísk kona sem hefur barist fyrir mannréttindum og kvenfrelsi í heimalandi sínu. Hún hefur meðal annars brotið gegn banni um akstur kvenna en einnig beitt sér gegn því karlræði sem konur eru beittar í landinu, þar sem örlög þeirra eru ýmist í höndum feðra, eiginmanna eða sona.
Loujain situr í fangelsi í Sádí-Arabíu vegna þessarar baráttu sinnar en yfirvöld þar létu ræna henni í Dubai þar sem hún var við nám og flytja hana til heimalandsins.
Lina al-Hathloul er systir Loujain og ferðast víða um lönd til að vekja athygli á meðferðinni á systur hennar. Var hún í viðtali í Kastljósi í dag í tilefni af alþjóðlegum degi mannréttinda.
Í viðtalinu kemur meðal annars fram að Loujain hefur verið beitt pyntingum í Sádí-Arabíu. Hún hefur verið meðal annars verið húðstrýkt, beitt vatnspyntingum, svipt svefni og áreitt kynferðislega.
Systirin Lina, sem búsett er í Brussel, ferðast um heiminn og talar máli systur sinnar og annarra baráttukvenna í Saudi-Arabíu. Hún varpar ljósi á illa meðferð og pyntingar fanga í Sádi-Arabíu og krefst þess að systir hennar verði látin laus.