Búið er að loka Hellisheiði, Þrengslum og veginum um Kjalarnes, að sögn Vegagerðarinnar. Lokanirnir voru viðbúnar vegna óveðursins sem nú gengur yfir landið.
Hvessa fór verulega á suðvesturhorni landsins á þriðja tímanum í dag og má búast við því að færð geti farið að spillast með versnandi veðri. Þannig er orðið ófært á Krýsuvíkurvegi.
Þá er vegurinn um Hjallaháls og Ódrjúgsháls ófær vegna veðurs. Á Norðurlandi eystra er ófært um Ljósavatnsskarð, Tjörnes, Hólasand, Hófaskarð og yfir Melrakkasléttu. Öxnadalsheiði og Siglufjarðarvegi var lokað fyrr í dag vegna veðurs.