Vegagerðin hefur birt áætlun um lokanir vegna veðurofsans sem gengur yfir landið á morgun og næstu daga. Appelsínugul viðvörun er í gildi fyrir höfuðborgarsvæðið, Suðurland, Faxaflóa, Breiðafjörð, Vestfirði, Strandir og Norðurland vestra, Norðurland eystra og Miðhálendi.
Áætlunin tekur til dagana 9. til 12. desember en búast má við því að eftirfarandi vegir verði ófærir. Tekið er fram í tilkynningu Vegagerðarinnar að ef veðurspár breytist – eða aðrar aðstæður – geti lokanir tekið mið af því. Eins er hugsanlegt að loka þurfi fleiri vegum en þeim sem hér eru nefndir.