Maður sem í dag var úrskurðaður í gæsluvarðhald í Héraðsdómi Reykjavíkur vegna rannsóknar á láti manns sem féll fram af svölum í Úlfarsársdal í gær er grunaður um að hafa orðið manninum að bana. Þetta kemur fram í frétt á RÚV. Í úrskurðinum er vísað til laga um manndráp annars vegar og um stórfellda líkamsárás sem leiðir til dauða hins vegar.
Samkvæmt frétt RÚV neitar maðurinn sök.
Hinn grunaði er um fimmtugt. Fjórir aðrir menn voru handteknir í þágu rannsóknar málsins en þeir hafa verið látnir lausir. Mennirnir allir – sem og hinn látni – eru allir frá Litháen.
