Logi Einarsson, formaður Samfylkingarinnar, birti ansi skondnar ljósmyndir af sér á Facebook-síðu sinni. Þar má sjá Loga gera svolítið sem Alþingismenn gera líklega ekki á hverjum degi, að fara ofan í holræsi.

Í færslu sinni skrifar Logi um það þegar hann hjá áhaldadeild Akureyrarbæjar, en þar á hann víst að hafa farið í nokkur ræsi.

„Með skemmtilegri störfum sem ég hef unnið við var hjá áhaldadeild Akureyrar í 10 sumur. Þar sá ég meðal annars til þess að neðanjarðarkerfi bæjarins virkaði sem skildi. Fæstir veita því athygli að jafnaði en átta sig á mikilvægi þess þegar eitthvað klikkar.“

Í lok færslunnar líkir Logi sjálfum sér við gamlan fótboltakappa sem sér bolta, nema í hans tilfelli er það brunnlokið sem kallar.

„Eins og gamlan fótboltamann klæjar eflaust í tærnar þegar hann sér bolta, á ég erfitt með að hemja mig þegar ég rekst á opið brunnlok.“

Hér að neðan má sjá myndir sem Logi birti með færslunni.