fbpx
Miðvikudagur 12.ágúst 2020
Fréttir

Björn segir þetta versta starf landsins

Ritstjórn DV
Fimmtudaginn 7. nóvember 2019 09:59

Ekki missa af Helstu tíðindum dagsins í pósthólfið þitt

Lesa nánar

„Starfsfólk Útlendingastofnunar þarf að framfylgja afar harðneskjulegum lögum landsins. Til þeirra er gerð sú krafa að þau láti hjartað ráða för. Það er auðvitað fráleitt,“ segir Björn Þorfinnsson, blaðamaður á Fréttablaðinu, í skoðanapistlinum Frá degi til dags.

Björn gerir þar málefni albönsku konunnar að umtalsefni, en konunni var vísað úr landi á dögunum, langt gengin með sitt annað barn. Eðli málsins samkvæmt hefur málið vakið miklar tilfinningar hjá landsmönnum og þung orð verið látin falla. Þannig hafa starfsmenn Útlendingastofnunar fengið að heyra það hressilega á samfélagsmiðlum. Björn segir það ekki sanngjarnt.

„Reiðin á að beinast gegn löggjafanum en ekki þeim sem eru í þeirri stöðu að framfylgja þeim. Forstjórinn stóð sig ágætlega í að svara fyrir erfitt mál í Kastljósi í vikunni, vitandi að hann yrði úthrópað ómenni eftir þáttinn. Helst hefði hann kannski átt að sleppa því að segja að hann gæti ekki sett sig í spor fjölskyldunnar, það var kannski fullmikið. Að öðru leyti var hann ágætlega rökfastur við að verja versta starf landsins sem hann sinnir.“

Björn segir framkvæmdina vera ómennskjulega og bendir hann á að konan hafi, að sögn Útlendingastofnunar, sótt um alþjóðlega vernd í byrjun október. Tvær vikur hafi tekið að synja þeirri beiðni. „Þá tók stoðdeild lögreglunnar, sem sér um að flytja fólkið úr landi, við. Fyrst ekki kom til greina að leyfa fjölskyldunni að dvelja hér fram yfir fæðingu hlýtur að vera ámælisvert að framkvæmd brottvísunarinnar hafi ekki verið sett í forgang. Varla tekur þrjár vikur að skipuleggja slíka aðgerð.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 13 klukkutímum

46 grunnskólakennarar í nánu samneyti á golfmóti – „Reyndum eins og við gátum að halda 2ja metra reglunni“

46 grunnskólakennarar í nánu samneyti á golfmóti – „Reyndum eins og við gátum að halda 2ja metra reglunni“
Fréttir
Fyrir 13 klukkutímum

Einstaklingur með lítil einkenni getur verið bráðsmitandi

Einstaklingur með lítil einkenni getur verið bráðsmitandi
Fréttir
Í gær

Bogi og Jóhannes sagðir hafa heimtað aðgerðir – Þess vegna var öruggu löndunum fjölgað

Bogi og Jóhannes sagðir hafa heimtað aðgerðir – Þess vegna var öruggu löndunum fjölgað
Fréttir
Í gær

Ná sér ekki af eftirköstum COVID-19 og reyna að komast í endurhæfingu á Reykjalundi

Ná sér ekki af eftirköstum COVID-19 og reyna að komast í endurhæfingu á Reykjalundi