Lögreglan á höfuðborgarsvæðinu stöðvaði för sautján ára ökumanns á Kringlumýrarbraut á níunda tímanum í gærkvöldi eftir að bifreið hans mældist á 116 kílómetra hraða. Þarna er hámarkshraði 80 kílómetrar á klukkustund.
Ökumaðurinn ungi á von á 100 þúsund króna sekt, samkvæmt sektarreikni á vef Samgöngustofu. Í skeyti frá lögreglu segir að málið hafi verið afgreitt með aðkomu móður og tilkynningu til Barnaverndar.
Gærkvöldið og nóttin var þó með rólegasta móti hjá lögreglu en nokkrir ökumenn voru þó stöðvaðir vegna gruns um akstur undir áhrifum áfengis eða fíkniefna.