Útgerðarfyrirtækið Samherji stundar enn veiðar í landhelgi Namibíu. Þetta segir Björgólfur Jóhannsson, starfandi forstjóri Samherja, í Viðskiptablaðinu í dag.
Þar segir Björgólfur að eitt skip hafi verið við veiðar í landhelginni en nú sé unnið að því að afla landanum í flutningaskip.
Þá segir hann að árið 2017 hafi verið tekin ákvörðun um að hætta starfsemi í landinu. Þannig hefði fyrirtækið selt eitt skip og viðræður um sölu á öðrum rekstri Samherja í Namibíu hefði staðið yfir frá byrjun þessa árs. Björgólfur segir við Viðskiptablaðið að enn standi til að selja reksturinn.
„Það hefur engin stefnubreyting orðið þar,“ segir hann.