Laugardagur 14.desember 2019
Fréttir

Steinunn Ólína rekin úr metoo-hópi og sökuð um trúnaðarbrest – „Ég braut engan trúnað“

Ágúst Borgþór Sverrisson
Fimmtudaginn 14. nóvember 2019 16:05

Ekki missa af Helstu tíðindum dagsins í pósthólfið þitt

Lesa nánar

Steinunn Ólína Þorsteinsdóttir leikkona og blaðamaður hefur rekin úr metoo-hópi kvenna í sviðslistum og kvikmyndagerð. Kemur þetta fram í frétt á Vísir.is. Steinunni var tilkynnt um þetta með skilaboðum á Facebook og ástæðan sögð vera trúnaðarbrestur.

Umræddur metoo-hópur birti 64 reynslusögur um áreitni haustið 2017 ásamt yfirlýsingu sem undirrituð var af rúmlega 500 konum. Yfirlýsingin og sögurnar birtust meðal annars á vef Steinunnar, Kvennablaðinu.

Steinunn Ólína hefur skrifað nokkrar harðorðar greinar í kjölfar dómsmáls leikarans Atla Rafns Sigurðssonar en honum voru dæmdar háar skaðabætur í Héraðsdómi vegna uppsagnar hans frá Borgarleikhúsinu. Ástæða uppsagnarinnar voru kvartanir nokkurra samstarfskvenna á hendur Atla Rafni um kynferðislega áreitni. Hins vegar fékk Atli hvorki að vita efni ásakananna né nöfn ásakenda. Vóg það þungt í niðurstöðu dómsins.

Í greinum sínum hefur Steinunn Ólína tekið málstað Atla Rafns auk þess að gagnrýna harðlega Þórdísi Elvu Þorvaldsdóttur rithöfund og sakað hana um að hafa markaðssett kynferðislegt ofbeldi gegn sjálfri sér.

Í stuttu spjalli við DV segist Steinunn í rauninni ekki hafa neitt um málið að segja. Henni þætti fróðlegt að vita í hverju hinn meinti trúnaðarbrestur hennar sé fólginn: „Því geta þær ekki svarað. Ég braut engan trúnað,“ segir Steinunn.

Sjá einnig:

Steinunn Ólína fagnar skaðabótadómi Atla Rafns

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Margir minnast Ásbjarnar: „Tíminn sem við áttum með pabba var alltof stuttur en yndislegur“

Margir minnast Ásbjarnar: „Tíminn sem við áttum með pabba var alltof stuttur en yndislegur“
Fréttir
Í gær

Skipa átakshóp um úrbætur eftir fárviðrið

Skipa átakshóp um úrbætur eftir fárviðrið
Fréttir
Fyrir 2 dögum

Pilturinn sem féll í Núpá var að aðstoða bónda við að koma á rafmagni

Pilturinn sem féll í Núpá var að aðstoða bónda við að koma á rafmagni
Fréttir
Fyrir 2 dögum

Þjófar létu greipar sópa í Hlíðunum: Brutust inn í fimmtán geymslur

Þjófar létu greipar sópa í Hlíðunum: Brutust inn í fimmtán geymslur