„Ég stundaði frábært kynlíf með samstarfskonu minni. Þetta var gaman á þeim tíma, en síðan þá hefur konan mín hent mér út og það er að drepa mig – bókstaflega,“ segir maður í bréfi til Deidre, kynlífs- og sambandsráðgjafa The Sun.
„Ég fór á lestastöðina til að kasta mér fyrir lest. En ég sá dóttir vinar míns þarna og ég vildi ekki að hún yrði vitni að því.“
Maðurinn vinnur sem verkefnisstjóri fyrir stórt fyrirtæki.
„Ég er 42 ára og hafði verið hamingjusamlega giftur í 15 ár. Konan mín er 44 ára og við eigum saman son. En síðan kom nýr sýningarstjóri í vinnuna. Hún er 29 ára, yndisleg, skilin og á tíu ára stelpu.
Við þurfum öll að fara reglulega á öryggisnámskeið og við fórum á sama tíma. Námskeiðið var langt í burtu þannig við þurftum að gista á hóteli. Okkur kom vel saman, spjölluðum og borðuðum meira að segja saman eitt kvöldið. Við deildum vínflösku og þegar ég pantaði aðra sagði hún: „Jii, ég er ekki vön þessu. Mér líður eins og ég sé á stefnumóti.“
Við stauluðumst upp til að fara í herbergin okkar en lyftan fór fram hjá hennar hæð. Þegar lyftan stoppaði á minni hæð sagði hún: „Úps, ég er tveimur hæðum fyrir neðan.“ Ég sagði henni að það skipti ekki máli og bauð henni að koma í kaffi í mínu herbergi.
Þegar við komum inn í herbergið kyssti hún mig. Ég fann að ég var að svara henni í sömu mynt og þegar hún setti hönd sína undir bolinn minn þá trúði ég ekki að þetta væri að gerast.
Við stunduðum frábært kynlíf, sem tók fljótt enda vegna ástands okkar. Síðan fór hún í sitt herbergi og ég gat varla talað við hana næsta dag.
Þegar ég kom heim vissi eiginkona mín að það væri eitthvað að um leið og ég gekk inn um dyrnar. Ég sagði henni allt. Nú hefur hún hent mér út og það er að drepa mig að innan. Ég elska konuna mína og son minn svo mikið. Ég hef verið algjör fáviti.“
Deidre segir:
„Það er engin afsökun að halda fram hjá þegar þú hefur verið í svona hamingjusömu hjónabandi. En þú ert mennskur og við gerum öll mistök stundum, sérstaklega eftir að hafa drukkið mikið af áfengi. En eiginkonan þín veit af þessu, þannig það er ekkert hægt að segja annað en hversu leitt þér þykir þetta og að grátbiðja hana um fyrirgefningu. Þú augljóslega elskar hana, þannig notaðu þá orku til að laga sambandið og láttu henni líða eins og hún sé eina konan fyrir þig.“