Verkfall blaðamanna sem tekur til félagsmanna í Blaðamannafélagi Íslands sem starfa fyrir vefmiðlana mbl.is, visir.is og frettabladid.is hófst kl. 10 í morgun og stendur til. 14. Athygli vekur að mbl.is hefur haldið áfram að birta fréttir eftir að verkfallið hófst. Samkvæmt heimildum DV eru þar að verki blaðamenn sem eru ekki félagar í Blaðamannafélagi Íslands, meðal annars ritstjórar.
Hjálmar Jónsson, formaður BÍ, segir þetta vera verkfallsbrot:
„Þetta er bara verkfallsbrot að okkar mati. Hreint og klárt verkfallsbrot. Þetta verður kært til Félagsdóms. Mér finnst sorglegt að menn hagi sér svona og geti ekki virt löglega boðaða vinnustöðvun. Eða þá tekið málið upp við okkur. því ég hef skrifað þessum mönnum í þrígang og tilkynnt þeim okkar túlkun, þannig að það þarf ekki að koma á óvart. Það hefði verið eðlilegast að ganga frá því fyrirfram og fara yfir ágreiningsefnin.“