Um helgina var Flugstöðvardeild lögreglunnar á Suðurnesjum tilkynnt um karlmann sem stöðvaður hafði verið í vopnaleit í Flugstöð Leifs Eiríkssonar. Þetta kemur fram í tilkynningu frá lögreglustjóranum á Suðurnesjum.
Maðurinn var með kannabis í fórum sínum en hann var á leið úr landi. Hann reyndist vera með rétt tæp sex grömm af kannabisi og þurfti að greiða samtals 74 þúsund krónur í sekt. Að því búnu hélt maðurinn sína leið.