Útvarpsmaðurinn Máni Pétursson segir nýja kvennakvóta Samfylkingarinnar vera tilgerðarlega hræsni. Máni, sem hefur lýst sér sem sósíalista, segir þetta sýna að sumar konur séu jafnari en aðrar. Um helgina samþykkt Samfylkingin nýjar prófkjörsreglur sem tryggja hlutfall kvenna sé tryggt í efstu sætum framboðslista, en ekki kynjanna eins og áður var.

„Fyrir mér er stærsta jafnréttismálið að hækka laun kvennastétta.Samfylkingin ætti kannski að byrja á því í RVK áður en þau bjóða uppá þessa þvælu. Þessi aðgerð er eins og annað frá stjórnmálunum í dag tilgerðarleg hræsni. Ég held að stjórnmálin hafi aldrei verið á eins slæmum stað og þau eru í dag,“ skrifar Máni á Facebook og deilir viðtali Harmageddon við Þórarin Snorra, ritara Samfylkingarinnar.

Flosi Eiríksson tekur undir með Mána og bætir við að það væri góð byrjun að hækka kaupið hjá þeim lægst launuðu hjá borginni, sem eru konur í meirihluta. Því svarar Máni: „En það virðist því miður vera svo að sumar konur eru jafnari en aðrar. Þess vegna bauð stjórnmálaelítan uppá jafnlaunavottun. Sem ekki gagnast konum í láglaunastörfum rassgat. En þær áttu að koma næst, þær eru enn að bíða.“

Máni heldur svo áfram og segir: „Farðu á láglauna vinnustað og þær geta sagt þér hvað þessi jafnlaunavottun er frábær. Af hverju var byrjað að tryggja konum á goðum launum eða meðallaunum betri laun.? En ekki konum í láglaunastörfum. Þetta er bara hræsni.“