Svo virðist sem íslenskar brandara-síður á Facebook hafi verið full grófar í gær. DV fjallaði fyrr í dag um dónalegan brandara um Hildi Lilliendahl. Hún er þó ekki ein um að verða fyrir barðinu á slíkri síðu því tónlistarmaðurinn geðþekki Kalli Bjarni varð það líka.
Stefán nokkur Björnsson birtir mynd af Kalla Bjarna í hópnum Fyndir frændur og undir henni stendur skrifað: „Ég verð á Vökunni“, en þar er vísað í tónleika sem haldnir voru í Valsheimilinu árið 2017. Grínið snýst um að Kalli sé vakandi vegna neyslu örvandi fíkniefna.
Kalli svarar þessu fullum hálsi í athugasemd. „Stefán Björnsson þessi brandari var á netinu fyrir jólin í fyrra. Hlýtur að geta betur en að stela ársgömlum brandara hahaha fkn auli,“ skrifar Kalli.
