Atli Rafn Sigurðsson leikari hefur stefnt Persónuvernd til þess að fá úrskurði hennar frá því í október 2018 hnekkt, þess efnis að nöfn þeirra starfsmanna Borgarleikhússins sem sökuðu hann um kynferðislega áreitni verði gefin upp. Þetta kemur fram í Fréttablaðinu í dag.

Atla Rafni var sagt mjög skyndilega upp störfum hjá Borgarleikhúsinu vegna ásakana um kynferðislega áreitni. Hann fékk ekki að vita efni ásakananna né nöfn þeirra ásökuðu hann þar sem Borgarleikhússtjóri sagðist bundinn trúnaði um þau mál. Hefur Atli Rafn stefnt Borgarleikhúsinu og fer fram á 13 milljónir króna í bætur vegna uppsagnarinnar.

Atli Rafn leitaði til Persónuverndar um að stofnunin úrskurðaði að hann fengi þessar upplýsingar. Úrskurður Persónuverndar var hins var sá að starfsmennirnir skyldu áfram njóta trúnaðar. Hefur Atli Rafn nú stefnt Persónuvernd fyrir héraðsdóm og krefst þess að úrskurðurinn verði felldur úr gildi.