fbpx
Miðvikudagur 05.ágúst 2020
Fréttir

Magnea er látin – „Hún var góðhjörtuð manneskja, gjafmild við aðra en gleymdi stundum sjálfri sér“

Ágúst Borgþór Sverrisson
Mánudaginn 21. október 2019 11:40

Ekki missa af Helstu tíðindum dagsins í pósthólfið þitt

Lesa nánar

„Hún var góðhjörtuð manneskja, gjafmild við aðra en gleymdi stundum sjálfri sér. Hún sýndi öðrum mikinn kærleika og mikið örlæti, fólk þáði hjá henni en gaf ekki alltaf til baka,“ segir Kolbrún Birgisdóttir um uppeldissystur sína, Magneu Þóru Erlingsdóttir. Magnea verður jarðsett í dag, á stórafmælisdaginn sinn en hún hefði orðið sextug í dag, er fædd þann 21. október árið 1959.

Magnea lést þann 3. október. Hún fékk krabbamein í leg sem breiddist út um líkamann. „Hún dó þremur vikum eftir að hún lagðist inn á spítala,“ segir Kolbrún.

Sem fyrr segir voru þær Kolbrún og Magnea uppeldissystur. „Hún kom til okkar þegar hún var tveggja ára, pabbi tók hana að sér,“ segir Kolbrún. Þær systur voru afar samrýmdar. Báðar stríddu við óreglu framan af ævinni en náðu að snúa lífi sínu við í starfi innan Hjálpræðishersins.

„Það tók mig þrjár vikur að koma systur minni inn í Hjálpræðisherinn. Hún neitaði mér tvisvar en svo mætti hún og þá varð ekki aftur snúið. Bakkus náði tökum á henni, hún var lengi í rugli, en þarna náði hún að rísa upp og losna úr óreglunni. Eftir að hún var laus við áfengið fór hún að njóta sín miklu betur, hún losnaði við feimina og fór að lifa eðlilegu lífi,“ segir Kolbrún en Magnea lét til sín taka í unglingastarfi í Hjálpræðishernum og naut sín mjög í því. „Hún fann sig vel í því enda átti hún engin börn sjálf. Það er mikill söknuður eftir henni núna hjá börnunum og unglingunum í Hjálpræðishernum,“ segir Kolbrún.

Magnea bjó lengi við Skúlagötu en fyrir rúmu ári flutti hún í fallega tveggja herbergja íbúð að Fellsmúla og þar leið henni mjög vel.

„Ég var við dánarbeðinn hennar og kvaddi hana. Ég sat ein hjá henni síðustu 17 mínúturnar áður en hún skildi við. Ég ætlaði að gista hjá henni um nóttina en hún skildi við áður, klukkan sjö mínútur yfir ellefu um kvöldið,“ segir Kolbrún.

Magnea Þóra Erlingsdóttir er kistulögð í dag kl. 11:30 og verður jarðsett frá Fossvogskirkju kl. 13 í dag.

Kolbrúnu þykir mikið vænt um innrömmuðu myndina sem sjá má hér að ofan. „Hún gaf mér hana þegar pabbi minn dó árið 2011. Ég er búin að varðveita hana síðan og þessi mynd hefur mikið tilfinningalegt gildi fyrir mig.“

DV sendir öllum aðstandendum Magneu innilegar samúðarkveðjur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Alma ruglaðist og sagði fólki að þvo hendurnar í tuttugu mínútur – „Við getum verið viss um að þær verði mjög hreinar“

Alma ruglaðist og sagði fólki að þvo hendurnar í tuttugu mínútur – „Við getum verið viss um að þær verði mjög hreinar“
Fréttir
Í gær

„Markmiðið er jafnvel að þagga niður í þeim sem hafa „ranga“ skoðun“

„Markmiðið er jafnvel að þagga niður í þeim sem hafa „ranga“ skoðun“
Fréttir
Í gær

Íslendingur beittur harðræði og ofbeldi af spænsku lögreglunni: „Átti að handtaka mig því ég var ekki með kvittun

Íslendingur beittur harðræði og ofbeldi af spænsku lögreglunni: „Átti að handtaka mig því ég var ekki með kvittun
Fréttir
Í gær

Kári segir næstu vikuna mikilvæga: Annað hvort hjaðnar smitið eða það verður sprenging

Kári segir næstu vikuna mikilvæga: Annað hvort hjaðnar smitið eða það verður sprenging
Fréttir
Fyrir 2 dögum

Rúmlega helmingur veitinga- og skemmtistaða enn lokaðir

Rúmlega helmingur veitinga- og skemmtistaða enn lokaðir
Fréttir
Fyrir 3 dögum

Segir ólíkt Konráð að láta ekki vita af sér

Segir ólíkt Konráð að láta ekki vita af sér
Fréttir
Fyrir 3 dögum

Neyð á Seltjarnarnesi: Kona læsti sig inni á baði

Neyð á Seltjarnarnesi: Kona læsti sig inni á baði