Frostið fór niður í 7,7 stig á Þingvöllum í nótt og 6,2 í Húsafelli. Þetta kemur fram á veðurvef Einars Sveinbjörnssonar, Blika.is, en þar er einnig bent á að ekki hafi mælst frost í Reykjavík í nótt, að minnsta kosti ekki á opinbera mælinum við Veðurstofuna.
„Stilla og aðstæður kjörnar fyrir mikla útgeislun og öra kólnun yfirborðs á þessum þekktu kuldapollastöðum. Það kemur hins vegar ekki síður á óvart að ekki mældist frost í Reykjavík, þ.e. á opinbera mælinum við Veðurstofuna. Sé að það náði að frysta á ýmsum öðrum mælum s.s. á Reykjavíkurflugvelli. Það hefur því ekki enn náð að frysta skv. þessu í Reykjavík það sem af er þessu hausti.“
Einar bendir á að líkurnar á fyrsta næturfrostinu séu meiri komandi nótt.
