Samkvæmt tilkynningu frá Lögreglustjóranum á Suðurnesjum barst flugstöðvardeild embættisins tilkynning í vikunni um yfirgefna ferðatösku á Flugstöð Leifs Eiríkssonar.
Eigandinn hafði farið úr landi og skilið töskuna eftir. Taskan var ómerkt og opnuð til að reyna að bera kennsl á eiganda. Hins vegar vöknuðu grunsemdir eftir að taskan var opnuð um að innihald hennar væri ávinningur glæpa, þýfi.
Lögreglu tókst að finna út hver eigandi töskunnar er og vinnur nú að lausn málsins.