Ljóst er að ekki eru allir parsáttir með veiðar Hjörvars Inga Haukssonar en hann stundar svokallaða „Trophy-veiði“. DV fjallaði um veiði hans fyrr í dag og hefur hann nú fengið yfir sig holskeflu gagnrýni á Instagram-síðu sinni.

Gagnrýnin er mjög gróf og hann sagður aumingi sem ætti að henda í steininn. „Sorglegir aumingjar,“ skrifar einn notandi. Heiðdís nokkur húðskammar Hjörvar og skrifar: „Að þú skulir tileinka lifi þínu í að drepa saklaus dýr er ofar mínum skilningi! Hver er tilgangurinn?“ María nokkur skrifar svo: „Fokking viðbjóður sem þú ert maður“.

https://www.instagram.com/p/B3Afh_Dg0al/

Ein kona telur að það ætti að senda Hjörvar í fangelsi. „Það ætti að læsa þig inni, djöfulsins viðbjóður“. Helena nokkur vonast til þess að hann hljóti sömu örlög og dýrin. „Vonandi skýtur þig einhver þegar þu ert orðinn gamall og hengir þig upp a veg. Enginn munur.“ Hún er ekki ein um að óska honum dauða því Sædís: „Vona innilega að villtu dýrin þarna úti verði þér að bana einn daginn“.

Hér má lesa viðtal DV við Hjörvar en þar er hann meðal annars spurður út í siðferði veiðanna. Því svarar Hjörvar:

„Ef ég ætti að svara fyrir þetta þá myndi ég fyrst koma inn á það að það er ekki verið að drepa ungdýr, eða veiða. Það eru felld gömul dýr. Ég til dæmis skaut antilópu í sumar sem þurfti að fella. Ef ég hefði ekki gert það þá hefði bóndinn sjálfur þurft að fella hana og það hefði verið mínus fyrir hann upp á 600 þúsund krónur. Hún var felld á þeim grundvelli að hún var búin að drepa hjá bóndanum þrjá unga tarfa. Hún var komin á þann aldur að hún var geðill og það var ekki hægt að hafa hana inni á svæðunum lengur því hún var farin að drepa yngri tarfana. Hún hættir þessu ekki þegar hún er byrjuð, hún var bara að vernda sitt svæði. Fyrir mér finnst mér mikið skynsamlegra að bóndinn eigi þrjá unga tarfa sem geta verið lifandi í 17 ár frekar en ég myndi sleppa því að fella þennan sem var 14 ára og átti þrjú ár eftir.”