Ökumaður var handtekinn í Kópavogi á ellefta tímanum í gærkvöldi en hann er grunaður um akstur undir áhrifum fíkniefna. Ökumaðurinn og farþegi í bílnum eru grunaðir um vörslu fíkniefna.
Um miðnætti var ökumaður handtekinn í hverfi 108 en hann er grunaður um akstur undir áhrifum fíkniefna. Farþegi í bifreiðinni er grunaður um vörslu fíkniefna.
Skömmu fyrir klukkan tvö í nótt var enn einn ökumaðurinn handtekinn grunaður um akstur undir áhrifum fíkniefna en sá var á ferð í hverfi 108. Hann reyndist einnig vera sviptur ökuréttindum.