fbpx
Mánudagur 23.september 2019  |

DV - Frjáls og óháður miðill

Orðið á götunni

Eplin falla við eikurnar

Fréttir

Blóðuga baráttan um auglýsingakrónurnar

Björn Þorfinnsson
Sunnudaginn 27. janúar 2019 18:33

Lilja Alfreðsdóttir

Ekki missa af Helstu tíðindum dagsins í pósthólfið þitt

Lesa nánar

„Þú ert ekki orðinn alvöru blaðamaður fyrr en þú hefur verið rekinn tvisvar,“ sagði raðrekinn gamall vinnufélagi kumpánlega við mig þegar ég hóf störf á DV fyrir nokkrum árum. Sá hætti reyndar skömmu síðar, en ummælin, sem flestir vinnufélagar tóku brosandi undir, bera þess merki að starfsöryggi blaðamanna sé ekkert sérstaklega mikið.

Ástæðan er fyrst og fremst gríðarlega erfitt rekstrarumhverfi fjölmiðla þótt vissulega sé enn erfiðara þegar rekstrarsóðar eru við stjórnvöl skútunnar. Áskriftarsala er strembin og það er blóðug barátta um hverja krónu á auglýsingamarkaði. Slæmt tímabil á þeim vettvangi getur þýtt að rifa þurfi seglin og þá eru þeir sem skrifa efnið fyrstir út um dyrnar.

Afleiðingin af þessu umhverfi er sú að of mikil áhersla er lögð á magn efnis en ekki gæði. Einnig verður hlutfall frétta, sem raunverulega skiptir máli, gagnvart afþreyingarefni bjagað. Það er stundum allt að því hrollvekjandi hversu miklu fleiri „smelli“ fréttir af frægu fólki fá en mikilvægar fréttir eða fréttaskýringar. Ég skal taka fulla ábyrgð á því að ég hef skrifað allnokkrar slúðurfréttir á netvöktum þegar örvæntingin vegna lélegrar aðsóknar er algjör. Það er skýrt merki um skömm mína að ég merki slíkar fréttir ekki nafni!

Góðar fréttir eru líka þungar í vinnslu ef vel á að vera. Í þessu blaði er til dæmis frétt um jafnlaunavottun þar sem fyrsta fyrirspurn vegna málsins var send út rétt fyrir jól en fullnægjandi svör frá ráðuneyti skiluðu sér ekki fyrr en rúmum mánuði síðar. Það er ekki laust við að undirritaður hafi verið með tár á hvarmi þegar að hann horfði á myndina Spotlight um árið. Þar tóku blaðamennirnir nokkra mánuði í að athuga hvort þeir yfirhöfuð myndu fjalla um tiltekið fréttamál og síðan enn fleiri mánuði í að vinna það. Líklega er það óraunhæft hér á landi, en maður má láta sig dreyma.

Það er því óhætt að fullyrða að margir kollega minna bíði spenntir eftir frumvarpi um að ríkið styrki einkarekna fjölmiðla fjárhagslega.  Lilja Alfreðsdóttir, mennta- og menningarmálaráðherra, hefur boðað að hún muni kynna frumvarpið í ríkisstjórn í næstu viku.

Í frumvarpinu er kveðið á um að einkareknir fjölmiðlar geti fengið stuðning í formi endurgreiðslu á hluta kostnaðar, allt að 25%, sem fellur til við öflun eða miðlun frétta, fréttatengds efnis eða umfjöllunar um samfélagsleg málefni, að uppfylltum skilyrðum. Þá hefur Lilja látið hafa eftir sér að skilyrði verði sett um hvað prent­miðlar þurfa að gefa út mörg tölu­blöð á ári, fjöl­miðill þarf að vera skráður hjá fjöl­miðlanefnd og má ekki skulda opinber gjöld.

Það verður fróðlegt að sjá nánari útfærslu og vonandi verður hún á þá leið að útilokað verði að hafa pólitísk afskipti af því hverjir hljóta endurgreiðsluna. Sósíalistaforinginn Gunnar Smári Egilsson er einn þeirra sem virðast ekki vera mjög hrifnir af tillögunum. Hann kom fram með þá hugmynd að frekar yrði komið á fót sjóði til þess að styrkja blaðamenn beint, til þess að þeir geti óháðir rannsakað mál. Hugmyndin er góðra gjalda verð, en líklega yrði þó enn erfiðara að koma í veg fyrir að blaðamenn sem sérstaklega væru hlynntir ríkjandi stjórnvöldum böðuðu sig í gulli.

Leiðari helgarblaðs DV

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Kennarasleikjan
Fréttir
Í gær

Hildur hjólar í BA-ritgerð Marínar Möndu – „Er hægt að útskrifast úr öllum íslenskum háskólum með svona vinnubrögðum?“

Hildur hjólar í BA-ritgerð Marínar Möndu – „Er hægt að útskrifast úr öllum íslenskum háskólum með svona vinnubrögðum?“
Fréttir
Fyrir 2 dögum

Hatari greiðir ekki sektina

Hatari greiðir ekki sektina
Fréttir
Fyrir 2 dögum

 „Fólk er að vakna og sjá hvar kúkurinn er farinn að fljóta í þessu kerfi“

 „Fólk er að vakna og sjá hvar kúkurinn er farinn að fljóta í þessu kerfi“
Fréttir
Fyrir 2 dögum

Katrín skrifar átakanlegt bréf frá íslenska ríkinu til Guðjóns: „Ég bið þig að fyrirgefa“

Katrín skrifar átakanlegt bréf frá íslenska ríkinu til Guðjóns: „Ég bið þig að fyrirgefa“
Fréttir
Fyrir 2 dögum

Ríkið krefst sýknu af bótakröfum Guðjóns Skarphéðinssonar – Krefur Guðjón einnig um málskostnað

Ríkið krefst sýknu af bótakröfum Guðjóns Skarphéðinssonar – Krefur Guðjón einnig um málskostnað
Fréttir
Fyrir 3 dögum

Hér búa barnaníðingarnir – DV birtir kort

Hér búa barnaníðingarnir – DV birtir kort
Fréttir
Fyrir 4 dögum

Ísland í dag sagt áróður fyrir elítuna: „Ég gubbaði upp í mig“

Ísland í dag sagt áróður fyrir elítuna: „Ég gubbaði upp í mig“
Fréttir
Fyrir 4 dögum

Svavar Knútur: „Aldrei má bara bæta kjör fólks án þess að klípa af því á móti“

Svavar Knútur: „Aldrei má bara bæta kjör fólks án þess að klípa af því á móti“