Á fjórða tímanum í gær féll snjóhengja af húsþaki í Faxafeni og lenti á konu sem átti leið um. Sem betur fer meiddist hún ekki. Klukkan 20.30 í gærkvöldi var tilkynnt um mann sem hafði tekið síma og vegbréf ófrjálsri hendi af konu sem var stödd á hóteli í miðborinni. Málið er í rannsókn.

Á sjöunda tímanum í gær hafnaði bifreið á ljósastaur við Ástún. Mikil hálka var á vettvangi. Engin slys urðu á fólki og bifreiðin var ökufær á eftir.

Á áttunda tímanum var björgunarsveitin Kyndill kölluð út til að aðstoða ökumann sem hafði fest bifreið sína í Þormóðsdal. Tveir ökumenn voru handteknir síðdegis í gær og gærkvöldi grunaðir um að vera undir áhrifum fíkniefna.