Gísli Marteinn Baldursson fjölmiðlamaður og fyrrverandi borgarfulltrúi etelur að margir þeirra sem eiga bíla af Range Rover tegund séu fábjánar. Gísli Marteinn deilir mynd á Twitter-síðu sinni þar sem sjá má nýlega glæsikerru sem lagt er ólöglega fyrir framan Melabúðina, og hindrar þannig aðgengi gangandi vegfarenda og eykur hættu á slysum.

Gísli Marteinn segir að hann eigi seríu af bílum sem hafi lagt ólöglega þarna. Gísli segir:

„Og ég er ekki að djóka þegar ég segi að 50% þeirra eru Range Roverar. Pottþétt ekki allir eigendur slíkra bíla fábjánar, en rosa margir greinilega.“

Einar Ágúst tónlistarmaður tjáir sig á Twitter-síðu Gísla Marteins og segir:

„Ég lykla þetta allt saman. Engin miskunn.“

Þá segir Axel Thor:

„Miðað við mína reynslu eru flestir Ranger Rover eigendur skítsama um allt og alla í kringum sig og telja sig vera yfir aðra hafna.“

Þá segir kona að nafni Hanna að hún geri sér grein fyrir að ekki séu allir eigendur Range Rover fávitar en bætir svo við:

„ … en í 100% skipta sem hefur verið keyrt á mig eða í veg fyrir mig á hjólinu (ég hjóla ekki á götunni) hefur það verið Range Rover! Það segir alveg eitthvað!“

Þá telur Jón Gnarr fyrrverandi borgarstjóri að hann búi yfir lausn á vandamálinu. Hann segir:

„Við þurfum að fara að henda í límmiðana: Þú hefur lagt bíl þínum þannig að hann hindrar aðgengi gangandi vegfarenda og veldur slysahættu. Vonandi truflar þessi límmiði þig jafn mikið og bíllinn þinn truflaði mig og fjölda annarra. Vinsamlegast legðu löglega næst!“