Ummæli Jóns Halldórs Eðvaldssonar og Fannars Ólafssonar hafa vakið hörð viðbrögð víða, líkt og DV greindi frá í fyrradag þá hraunuðu þeir yfir grænmetisætur, kulnun í stafi, núvitund og edrúmennsku í þættinum Körfuboltakvöld Domino´s sem Kjartan Atli Kjartansson stýrir.

Sjá einnig: Æsingur á Stöð 2 Sport: „Kulnun í starfi er leti!“ – „Þess vegna eru slysasjóðir VR bara tæmdir!“

Nokkrir hafa gagnrýnt þetta harðlega eða gert grín að því á Twitter. Leikkonan Ingunn Lára gerði til að mynda grín að þessu sem hefur slegið í gegn.

Þegar maður er eina vegan manneskjan á svæðinu pic.twitter.com/fgQMm9Bubd

— Ingunn Lara (@IngaLalu) January 22, 2019

Sumir hafa þó jafnvel gengið svo langt að krefjast viðbragða frá helsta styrktaraðila þáttarins, Domino´s Pizza. Veitingastaðurinn hefur brugðist við þeim kröfum og virðist harma ummælin.

Pálmi nokkur spyr hvort hann sé að borga laun Jóns og Fannars þegar hann pantar sér pizzu. „Finnst þessum mönnum í alvörunni í lagi að tala niður til og hæðast að fólki með geðsjúkdóma, vegan fólki, verkamönnum og manneskjum sem kjósa að drekka ekki áfengi… í körfuboltaspjallþætti. Ekki soldið taktlaust að taka dæmi um mann sem er búinn að vera í sama starfi í 48 ár og segja að hann sé latur vegna þess að hann er ennþá í sama starfi, rétta út handlegginn og líkja eftir honum á meðan að rolex úr situr á úlnlið hinnar handarinnar? nei ég bara spyr,“ skrifar Pálmi á Twitter.

Hann merkir svo sérstaklega við Domino´s á Twitter og biður um svör.

@DPISL Er ég að borga laun þessara manna þegar ég kaupi pizzu hjá ykkur? Er þetta ímyndin sem þið viljið projecta?

— p☆lmi (@pa1mi) January 22, 2019

Veitingastaðurinn svarar til baka: „Sæll Pálmi, við getum ekki ábyrgst það sem þáttastjórnendur létu út úr sér. Domino’s körfuboltakvöld er ekki vettvangur til þess að ræða önnur mál en körfubolta.“

Anna nokkur gengur enn lengra en Pálmi og vonast til að Domino´s fordæmi ummælin. „Ótrúlegt að þessi fyrirtæki styrki þessa eitruðu karlmennsku. […] Þetta er ekkert nýtt í þessum þætti. En jú þeir styrkja deildina sjálfa en ættu að geta sett fordæmi og „speak out“,“ segir Anna á Twitter og bætir við: „En sumir hlusta ekki á almenning og þurfa því miður að fá alvöru slap on the wrist.“ Domino´s svarar henni á nákvæmlega sama máta og veitingastaðurinn svaraði Pálma.

Alveg sammála því. En sumir hlusta ekki á almenning og þurfa því miður að fá alvöru slap on the wrist.
Enda hafa þeir vanalega svarað gagnryni að það sé "viðkvæmni"

— Anna! (@annavignisd) January 22, 2019

Sæl Anna, Við getum ekki ábyrgst það sem þáttastjórnendur létu út úr sér. Domino's körfuboltakvöld er ekki rétti vettvangurinn til þess að ræða önnur mál en körfubolta.

— Domino's Pizza ÍSL (@DPISL) January 22, 2019