Lögreglan á höfuðborgarsvæðinu handtók í gær mann sem er grunaður um sölu fíkniefna. Einnig voru höfð afskipti af meintum kaupanda fíkniefna. Málið er í rannsókn. Í gærkvöldi voru höfð afskiti af gesti á veitingahúsi sem greiddi ekki fyrir matinn sem hann hafði borðað. Meint fíkniefni fundust á honum.

Um miðnætti var maður handtekinn grunaður um þjófnað á veitingastað í miðborginni. Hann var töluvert ölvaður og var vistaður í fangageymslu.

Tveir ökumenn voru handteknir í gærkvöldi og nótt grunaðir um akstur undir áhrifum fíkniefna. Annar þeirra reyndist einnig vera sviptur ökuréttindum. Einn ökumaður var handtekinn grunaður um ölvun við akstur. Sá reyndist vera án ökuréttinda.