fbpx
Föstudagur 19.apríl 2019

DV - Frjáls og óháður miðill

Fréttir

Sigurjón fór í búð á Spáni: Hvað heldurðu að allt þetta hafi kostað?

Ritstjórn DV
Föstudaginn 11. janúar 2019 21:00

Ekki missa af Helstu tíðindum dagsins í pósthólfið þitt

Lesa nánar

Fjölmiðlamaðurinn Sigurjón M. Egilsson hefur dvalið á Spáni undanfarna mánuði og er óhætt að segja að verðlag þar sé töluvert hagstæðara en hér heima.

Sigurjón, sem heldur úti vefmiðlinum Miðjan.is, skrifar stutta en áhugaverða færslu á vefinn í morgun þar sem hann fjallar um innkaup morgunsins, eins og hann orðar það.

Sigurjón hefur áður skrifað um muninn á leiguverði á Íslandi annars vegar og Spáni hins vegar  – segja má að himinn og haf sé á milli þess sem leigjendur greiða fyrir þriggja herbergja íbúðir hér á landi og sambærilega íbúð í Campoamor á Alicante þar sem Sigurjón leigir.

Færslan í morgun snýr þó að litlum innkaupum sem Sigurjón gerði í morgun.

„Fór í búðina og keypti marmelaði, smjörva eða nokkurskonar þannig, 250 grömm eru í öskjunni, tvo snúða og tvö rúnstykki, sem kostuðu hvort rúmar 28 krónur íslenskar. Verðlag hér er umtalsvert lægra en heima. Til fróðleiks er hér mynd af kassakvittuninni. Samtals kostaði það sem ég keypti tæpar 710 krónur íslenskar.“

Sigurjón gaf DV góðfúslegt leyfi til að birta meðfylgjandi myndir. Í færslunni segist hann lengi hafa ætlað að gera verðsamanburð á Spáni og á Íslandi en ekki gert. Samanburðurinn sé ekki alltaf endilega sanngjarn. Hann hafi þó ákveðið að birta verð á innkaupum morgunsins. Ekki liggur fyrir hvað sambærilegar vörur kosta á Íslandi en leiða má líkur að því að þær kosti töluvert meira.

Sem fyrr segir hefur Sigurjón áður skrifað um muninn á leiguverði en það gerði hann í nóvember síðastliðnum.

„Við leigjum íbúð með tveimur svefnherbergjum og tveimur baðherbergjum, þvottahúsi, góðu eldhúsi og rúmgóðri og fínni stofu. Fyrir þetta borgum við 750 evrur á mánuði, sem var rétt um 93 þúsund krónur á mánuði þegar samningurinn var gerður. Með falli krónunnar er leigan nú um tíu þúsund krónum hærri en hún var,“ sagði Sigurjón í nóvember. Sambærilegar íbúðir á höfuðborgarsvæðinu kosta 200 til 300 þúsund krónur á mánuði – allt eftir staðsetningu.

Í sama pistli tjáði Sigurjón sig um hvað kostar að fara út að borða.

„Kvöldverður fyrir tvö, til dæmis pizza eða pastaréttir, eitt vínglas og einn gosdrykkur, kostar oftast innan við tuttugu evrur og aldrei meira en 25 evrur. Það er að hámarki 3.500 krónur.“

Færsla Sigurjóns á Miðjunni. 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Máni er 11 ára með elliglöp og búinn að vera týndur í sólarhring – Hundaeigandi sendir neyðarkall

Máni er 11 ára með elliglöp og búinn að vera týndur í sólarhring – Hundaeigandi sendir neyðarkall
Fréttir
Fyrir 2 dögum

Telja hverfandi líkur á að Jón Þröstur finnist á lífi

Telja hverfandi líkur á að Jón Þröstur finnist á lífi
Fréttir
Fyrir 2 dögum

Frábær saga af Guðna forseta: „Sumt í lífinu er of fallegt til að deila því ekki“

Frábær saga af Guðna forseta: „Sumt í lífinu er of fallegt til að deila því ekki“
Fréttir
Fyrir 2 dögum

Ísólfur bendir á gallað heilbrigðiskerfi: „Fyrir alla muni frestið þriðja orkupakkanum“

Ísólfur bendir á gallað heilbrigðiskerfi: „Fyrir alla muni frestið þriðja orkupakkanum“