Lögreglan á höfuðborgarsvæðinu hefur til rannsóknar innbrot í Reiðhjóla- og sláttuvélarþjónustana á Vagnhöfða 6 í Reykjavík. Málið var tilkynnt til lögreglu í morgun að því er kemur í fram í fréttatilkynningu lögreglu.

Í innbrotinu var m.a. stolið fulldempuðum fjallareiðhjólum af gerðinni Sensa, auk Elite hjólatrainera. Talið er að innbrotið hafi verið fram í gærkvöld eða nótt.

Þeir sem geta veitt upplýsingar um málið eru vinsamlegast beðnir um að hafa samband við lögreglu í síma 444 1000, með tölvupósti á netfangið hildur.run@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.

Telur lögregla allt eins er líklegt að hinir óprúttnu aðilar bjóði hjólin til sölu og er fólk beðið um að vera á varðbergi.