Nú eftir hádegi varð flugeldaslys við Ingunnarskóla í Grafarholti. Samkvæmt heimildum DV var mikill viðbúnaður bæði lögreglu og viðbragðsaðila við skólann. Valgarður Valgarðsson, aðalvarðstjóri hjá Lögreglunni á höfuðborgarsvæðinu, segir í samtali við DV að flugeldaslys hafi átt sér stað við skólann.
Valgarður gat ekki sagt meira þar sem lögregla var enn á vettvangi. DV ræddi við starfsmann skólans sem sagðist lítið geta sagt enn sem komið er og að foreldrar barna við skólann myndu fá tilkynningu innan skamms. Svo mátti skilja af þessum starfsmanni að einn drengur hafi slasast og það hafi verið „ekkert lífshættulegt“.