„Reykjavíkurborg kynnti á sínum tíma styttingu vinnuviku sem verkefni sem kæmi sér vel bæði fyrir vinnustað og starfsfólk. Allir græddu á þessari nýjung, enda yrði fólk skilvirkara. Nú eru kjarasamningar. RVK: Þið eruð að græða svo mikið og þetta er voða dýrt fyrir okkur. Ekki kúl“
Svavar segir þetta heita „Bait and switch“ á ensku sem hægt væri að þýða sem „tæla og skipta“ á íslensku.
„Borgin kynnir þetta sem voða gott fyrir alla en vill nú selja fólki tíu mínútur á dag og líka að matartímar séu undir. Nú er ég ekki borgarstarfsmaður, en þekki marga borgarstarfsmenn og fólki finnst þetta ógeðslega billeg framkoma.“
Svavar er ósáttur með það að stytting vinnuviku sé orðinn eins og einhver greiði við starfsfólkið þegar þetta átti upphaflega að láta alla græja með aukinni skilvirkni.
„Verkefni sem var góð sátt um og starfsfólk og vinnustaðir fundu að var að gera öllum gott er nú allt í einu orðinn svaka greiði við starfsfólkið og aldrei má bara bæta kjör fólks án þess að klípa af því á móti. Hvað er það?“
Svavar merkir síðan nokkra aðila í borgarstjórn til að vekja athygli á máli sínu. Hann merkir Dag B. Eggertsson, Líf Magneudóttir, Pawel Bartoszek, Dóru Björt Guðjónsdóttur og Heiðu Björg Hilmisdóttir en ekkert þeirra hefur svarað þegar þetta er skrifað.