Föstudagur 06.desember 2019
Fréttir

Arnar var fljótur að snúa við þegar hann sá verðið á kókinu í 10-11

Ritstjórn DV
Fimmtudaginn 12. september 2019 11:25

Ekki missa af Helstu tíðindum dagsins í pósthólfið þitt

Lesa nánar

„Ég bíð spenntur eftir því að þetta graftarkýli á annars fallegri andlitsmynd miðbæjarins springi,“ segir Arnar Tómas Valgeirsson í bakþönkum Fréttablaðsins í dag. Þar skrifar Arnar meðal annars um hátt verðlag í verslunum 10-11.

„Ég vann einu sinni sem leiðsögumaður. Verkefni mín fólust í að leiða stóreygða Bandaríkjamenn með áletraðar derhúfur um götur Reykjavíkur og kynna fyrir þeim það sem Ísland hefur upp á að bjóða. Það var gaman að fá að mæla með öllu því frábæra sem hægt er að gera, enda er af nægu að taka þegar kemur að mat, drykk og af þreyingu,“ segir Arnar.

Hann segir að hann hafi ekki þurft að vara við mörgu en Reykjavík býsna öruggur staður fyrir ferðamenn. Það var þó einn staður sem hann var duglegur að vara við.

„Varúðarorðin voru alltaf einfaldlega þessi: Ekki versla í 10-11. Íslendingar hafa alltaf umborið 10-11 af ákveðinni gremju. Verðin eru himinhá, en þegar þú þarft nauðsynlega að fá Beikon-bugður á næturnar er ekki um margt annað að velja. Eða þannig var það allavega. Í dag eru þó nokkrar verslanir opnar allan sólarhringinn sem rukka þig ekki um hvítuna úr auganu fyrir samloku og djús. Sérstaða 10-11 hefur því átt undir högg að sækja og hefur mörgum útibúum nýverið verið lokað, en móðurskipið í miðbænum stendur enn,“ segir Arnar sem átti leið um miðbæinn að morgni fyrir skemmstu þegar óbilandi löngun í kók gerði vart við sig.

„Ég sannfærði sjálfan mig um að það hlyti að vera í lagi að láta okra á sér einstöku sinnum og steig skjálfandi inn í snákagryfjuna við Austurstræti. Ég var hins vegar ekki lengi að flýja þegar ég sá að verðmiðinn á hálfs lítra flösku hljómaði upp á einar 489 krónur, en til samanburðar er hægt að fá tveggja lítra flösku á Domino’s á 420 krónur. Ég bíð spenntur eftir því að þetta graftarkýli á annars fallegri andlitsmynd miðbæjarins springi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Fæstar kennslustundir í náttúruvísindum hérlendis

Fæstar kennslustundir í náttúruvísindum hérlendis
Fréttir
Í gær

Helgi hjólar í kollega sína: „Annars fara þau á hausinn eða segja upp starfsmönnum“

Helgi hjólar í kollega sína: „Annars fara þau á hausinn eða segja upp starfsmönnum“
Fréttir
Fyrir 2 dögum

Vinnudagurinn lengdur í níu og hálfan tíma án útskýringa

Vinnudagurinn lengdur í níu og hálfan tíma án útskýringa
Fréttir
Fyrir 2 dögum

Fjármögnun Play: Stjórnendur bjóðast til að minnka sinn hlut

Fjármögnun Play: Stjórnendur bjóðast til að minnka sinn hlut