Fyrr í dag lýsti lögregluþjónninn Bjarni Ólafur Magnússon ótrúlegri eftirför í Héraðsdómi Reykjavíkur. Frá þessu greinir Fréttablaðið.

Bjarni er ákærður fyrir líkamsmeiðingar af gáleysi og brot í starfi sínu, vegna máls þar sem að tveir lögreglubílar eltu jeppa meints heimilisofbeldismanns. Bjarni sem er eins og áður segir lögreglumaður er sakaður um að hafa ekki beitt lögmætum aðferðum í eftirförinni.

Lögreglan á Suðurlandi fékk tilkynningu um heimilisofbeldi í Biskupstungum, á heimili Ingvars Arnars Karlssonar, en á heimilinu voru börn hans og kona. DV fjallaði um málið fyrir nokkru

Ingvar er sagðir hafa stungið hníf í gegnum síma og látið illa í gröfu sem var fyrir utan heimili sitt. Hann á að hafa verið ölvaður þegar atburðarásin átti sér stað og verið ógnandi við konuna og börnin.

Þegar lögreglubílar voru að koma vettvang eiga þeir að hafa mætt jeppa Ingvars á 114 kílómetra hraða. Þá hófst eftirförin.

Ingvari á að hafa tekist að þvinga annan lögreglubílinn af veginum þegar reynt var að taka fram úr jeppanum, sem á þó líka að hafa farið af veginum. Jeppinn komst aftur á veginn og hélt þá eftirförin áfram.

Bjarni sagði að engar athugasemdir hafi verið gerðar við það þegar hann ákvað að keyra í jappa Ingvars, til þess að stöðva hann, þar sem að erfitt hafi reynst að taka fram úr honum.

Lögreglubíll Bjarna á þá að hafa keyrt þrisvar í jeppa Ingvars sem missti í kjölfarið stjórn á ökutækinu og fór útaf veginum. Bíllinn valt og á Ingvar að hafa hlotið alvarlega áverka, brotið hálslið og fengið sár á hnakka sem var opið að höfuðkúpu.

Bjarni neitaði sök og sagði að réttri aðferð hafði verið beitt, enda séu aðgerðir sem þessar ítrekað æfðar hjá lögreglunni.