Í morgun var nýtt símafélag auglýst sem 101 Sambandið. Á bak við þetta nýja símafélag er hópurinn sem sér meðal annars um 101 Útvarp. Sumir hafa þó spurt sig út í hversu „nýtt“ þetta símafélag sé í raun og veru, en samkvæmt frétt Stundarinnar er það í eigu Vodafone.
101 Productions sér um nýja símafélagið. Bent hefur verið á að eignarhald á 101 Productions sé tvískipt og á Sýn annan hlutann, en Sýn á símafyrirtækið Vodafone.
101 Productions sér meðal annars um 101 Útvarp, en á móti Sýn eru það Jóhann Kristófer Stefánsson, Sigurbjartur Sturla Atlason, Unnsteinn Manuel Stefánsson, Logi Pedro, Stefánsson, Aron Már Ólafsson, Egill Ástráðsson og Haraldur Ari Stefánsson sem eiga hlut í fyrirtækinu, en flestir eru þeir þjóðþekktir einstaklingar.
Logi Pedro hélt því þó fram á Twitter að ekki væri um „rebrand“ að ræða heldur nýtt fyrirtæki. En samkvæmt frétt Stundarinnar virðist hann fara með rangt mál, eða breyða yfir hluta sannleikans. Það er að segja í ljósi þes að Logi talar um nýja þjónustu þrátt fyrir að sömu starfsmenn sjái um þjónustu.
sýn hf er hluthafi, á t.d. ekki meirihluta. þetta er ný þjónusta, nýtt fyrirtæki, ekkert re-brand. ?
— Logi Pedro (@logipedro101) August 23, 2019