Lögreglan óskar eftir eiganda umslags sem var skilað á lögreglustöðina á Hverfisgötu. Frá þessu er greint á Facebook-síðu lögreglunnar á Höfuðborgarsvæðinu.
Í umslagi þessu mátti finna mikið reiðufé og var það merkt nafni eiganda, þó ekki nægilega nákvæmlega svo hægt væri að finna hann.
Ef einhver getur sýnt fram á eignarhald sitt á umslagi þessu er sá hinn sami beðin um að hafa samband við lögreglu á netfangið rafn.gudmundsson@lrh.is.