Þremur einstaklingum, þar af tveir frá Íslandi, var bjargað við Rauðsandaströnd á Maui-eyju, Hawaii. Annar Íslendingurinn var einungis tíu ára gamall, en hann var fluttur á sjúkrahús. MauiNow greinir frá þessu.

Björgunin átti sér stað á sunnudaginn vegna sjávarháska og þurfti björgunarlið að hlúa að þeim sem bjargað var, en sjór fór í lungu þeirra.

Eins og áður segir var tveimur Íslendingum bjargað, einum dreng og einum karlmanni, en sá þriðji var frá Hawaii. Þegar sjávarháskinn átti sér stað var flóðviðvörun í gangi, en öldugangur var mikill.

Björgunarliðið notaðist bæði við þyrlur og jetski.