Flestir Íslendingar ættu að kannast við það að hlera aðra Íslendinga í útlöndum. Enda algengt að Íslendingar tali óvarlega erlendis þar sem fáir skilja tungumálið.
Natan Kolbeinsson, fyrrverandi formaður Landssambands æskulýðsfélaga sem og ungliðahreyfingar Samfylkingarinnar í Reykjavík, greinir á Twitter frá því að hann hafi orðið vitni að slíkum samræðum í Amsterdam á dögunum.
Óhætt er að segja að þær samræður hafi þó verið bæði klúrar og vandræðalegar fyrir þá þar töluðu saman. „Sit hér á flugvellinum í Amsterdam að hlusta á tvo Íslendinga tala um vændiskonurnar sem þeir riðu í gær. Lítið vita þeir að ég er með slökkt á headphones og er bara hlusta á þá,“ segir Natan.
Þessir Íslendingar voru á því máli að löglegt vændi gæti aldrei þrifist á Íslandi. „Ísland gæti víst aldrei lögleitt þetta eins og Amsterdam því við erum svo mikið PC. Væri víst líka bara útlendingar sem myndu vinna í þessu og það finnst þeim ekki gaman,“ skrifar Natan.
Hann hefur svo eftir þessu mönnum að þeim þyki þetta skemmtileg menning. „Það er víst líka gott að það eru bara konur í þessum gluggum. Að hafa gaura væri verið að skemma þessa skemmtilegu menningu. Þetta samtal er svo áhugavert,“ segir Natan.
Í athugasemdum er Natan spurður hvort hann hafi ekki örugglega upplýst þessa menn um að hann væri íslenskur og að hlusta á þá. „Síminn minn hringdi reyndar og ég spjallaði við ömmu svo þeir þögðu eftir það,“ svarar Natan.
Sit hér á flugvellinum í Amsterdam að hlusta á tvo Íslendinga tala um vændiskonurnar sem þeir riðu í gær. Lítið vita þeir að ég er með slökkt á headphones og er bara hlusta á þá.
— ?? Natan ?️? ? (@NatanKol) July 10, 2019