Svo gæti farið að aðrar tegundir neftóbaks en hið íslenska verði seldar á Íslandi. Sölustöðvun ÁTVR á öðru neftóbaki en því íslenska var aflögð í lok maímánaðar og verður hún ekki tekin upp að nýju nema stjórnvöld grípi með einhverjum inn í.
Fjallað er um þetta í Viðskiptablaðinu í dag.
ÁTVR framleiðir íslenska neftóbakið en neysla þess hér á landi hefur aukist mjög á undanförnum árum. Er sú aukning einkum rakin til ungra karla sem nota tóbakið í vör. Um aldamót seldust um tíu tonn af neftóbaki en á liðnu ári seldust tæp 45 tonn.
Í umfjöllun Viðskiptablaðsins kemur fram að engar umsóknir um markaðssetningu á nýju neftóbaki hafi borist. Ef þær munu berast verður skoðað hvort réttlætanlegt sé fyrir ÁTVR að halda áfram sölu á eigin neftóbaki.
Nánar má lesa um málið í Viðskiptablaðinu.
