Fjórtán ára dómi yfir Val Lýðssyni fyrir að hafa orðið bróður sínum, Ragnari, að bana á heimili Vals að Gýgjarhóli II í Bláskógabyggð í fyrra verður ekki áfrýjað til Hæstaréttar. Mbl.is greindi frá. Valur fékk sjö ára dóm fyrir glæpinn í héraðsdómi en ákæruvaldið áfrýjaði þeim úrskurði til Landsréttar sem þyngdi dóminn yfir Val í 14 ár. Ingi Rafn Ragnarsson, sonur Ragnars, rakti í langri grein, sem dv.is birti, aðdraganda glæpsins og glæpinn sjálfan, frá hans sjónarhóli.
Hvorki ákæruvaldið né Valur hafa áfrýjað dómnum til Hæstaréttar og stendur hann því óbreyttur.