Daníel Wiium, bróðir Jóns Þrastar, segist telja hverfandi líkur á því að bróðir hans finnist á lífi. Þetta kemur fram í viðtali Daníels við írska miðilinn Virgin Media News, en Fréttablaðið spottaði þetta. Viðtalið er hér fyrir neðan.
„Ég trúi því að hann hafi ætlað að hitta einhvern eða hafi verið á leið að hitta einhvern. Eða að það hafi verið eitthvað sem hann hafi þurft að gera. Það er það sem ég held,“ segir Daníel og Fréttablaðið hefur eftir honum.
Jón hvarf í Dublin laugardagsmorguninn 9. febrúar. Þar var hann með unnustu sinni að taka þátt í pókermóti. Unnusta hans hefur skýrt frá því að hún var nýkomin til Jóns (hún flaug degi síðar) á hótelið og farin í sturtu þegar hann steig út af hótelinu. Síðan hefur ekki sést til Jóns.
https://www.facebook.com/VirginMediaNews/videos/657464751390081/