Íbúar í Fossvogshverfi hafa kvartað við lögregluna yfir erlendum útigangsmönnum sem eru sagðir á ferli í hverfinu. Þeir eru sagðir sitja ölvaðir á gönguleiðum og þeim fylgi sóðaskapur. Þá telur fólk að þeir hafi stolið einangrun og fleiru frá íbúum í hverfinu.

Þetta kemur fram í dagbók lögreglunnar. Þar segir einnig að íbúar í hverfinu segist finna til óöryggis vegna þessa og að útigangsmennirnir séu taldir halda til í skógi nærri hverfinu. Vera þeirra á svæðinu veldur íbúunum að sögn vanlíðan, þeir finna til óöryggis og þora varla að leyfa börnum sínum að vera einum utandyra.