Kona á fertugsaldri, hefur verið dæmd í 45 daga skilorðsbundið fangelsi fyrir tilraun til að hnupla buxum annars vegar og hins vegar þjófnað á kjól og loðkraga.
Atvikin áttu sér stað í fyrra á Norðurlandi eystra. Í fyrra skiptið tók hún tvennar buxur í ónefndri versluninni og sett í innkaupakerru sem hún kom með sér inn í verslunina en var stöðvuð af starfsmönnum þegar þjófavarnarkerfið fór í gang þegar hún var á leiðinni út með vörurnar. Verðmæti þessara vara var tólf þúsund krónur.
Um tveimur vikum síðar tókst henni svo að stela slá með loðkraga að verðmæti 12.990 krónur og kjól að verðmæti 9.990 krónur.
Konan sótti ekki þing og var því dæmt að henni fjarstaddri.