Fyrirtæki sem sérhæfir sig í þjálfun dyravarða birtir myndband af nokkuð harkalegum átökum á Facebook-síðu sinni. Myndbandið má sjá hér að neðan, en þar sést dyravörður, sem kallaður er Tobbi, yfirbuga karlmann og skella honum í götuna meðan öskur kvenmanns heyrist.
Það er fullyrt í lýsingu myndbandsins að maðurinn hafi verið kúnni sem Þorbjörn hafi vísað út. Maðurinn ku hafa slegið til Tobba, en ekki náðist í hann við vinnslu fréttarinnar.
Það er Facebook-síðan ISR Matrix – Iceland sem birtir myndband af átökunum en Þorbjörn hefur sótt námskeið hjá félaginu. „Um síðustu helgi var ráðist á ISR iðkandann, Tobba, sem starfar við dyravörslu niðrí miðbæ. Okkar maður var að vísa aðila út af staðnum þegar maðurinn réðst á hann og sló Tobba í andlitið. Tobbi er ekki lengi að bregðast við með „outside reap“ og beint yfir í S-postion„. Fagmannlega gert,“ er skrifað við myndbandið.
Á Facebook-síðu IRS segir að félagið sérhæfi sig í þjálfun á fólki sem vinnur við hættulegar aðstæður. Fyrirtækið er meðal annars í eigu Jóns Viðars Arnþórsson, sem er einn stofnenda Mjölnis. Hann lýsti handtöku- og neyðarvarnarkerfinu ISR Matrix svo í viðtali við DV á dögunum: „Þetta eru tök sem henta fólki sem starfar við hættulegar aðstæður, til dæmis lögreglumenn, sérsveitarmenn, hermenn, njósnara, dyraverði, lífverði, flugfreyjur og marga fleiri hópa. Við erum einnig með sérstök neyðarvarnarnámskeið fyrir konur.“
https://www.facebook.com/isrmatrixiceland/videos/2230981347133162/