fbpx
Laugardagur 20.júlí 2019  |

DV - Frjáls og óháður miðill

Orðið á götunni

Diamond Beach rokkar

Fréttir

Kristófer nauðgaði 17 ára stúlku í starfsmannapartý: „Búinn að vera að fylgjast með henni“

Hjálmar Friðriksson
Þriðjudaginn 25. september 2018 12:58

Ekki missa af Helstu tíðindum dagsins í pósthólfið þitt

Lesa nánar

Kristófer John Unnsteinsson, 28 ára matreiðslumaður búsettur í Noregi, hefur verið dæmdur í tveggja ára og sex mánaða fangelsi fyrir að nauðga stúlku sem var 17 ára þegar glæpurinn var framinn. Landsréttur mildaði dóm héraðsdóms um hálft ár þar sem ákæra var ekki gefin út fyrr en um 22 mánuðum eftir atburðinn. Kristófer var dæmdur fyrir að nauðga stúlkunni aðfaranótt sunnudagsins 18. janúar 2015 í aftursæti bifreiðar.

Samkvæmt dómi þá tók Kristófer niður um hana buxurnar fyrir utan bifreiðina, hún girti þær aftur upp um sig og féll í aftursæti bifreiðarinnar þar sem Kristófer lagðist ofan á hana, tók á ný niður um hana buxurnar og nauðgaði henni.

Í dómi kemur fram að þau hafi verið i einhvers konar veislu, að svo virðist í starfsmannapartý, en það er ekki nánar tilgreint í dóminum. „Undir lok kvöldsins hefði hún farið í símann sinn og þegar hún hefði litið upp hefðu allir verið farnir frá borðinu nema ákærði. Hann hefði bent henni á að koma og spjalla. Í framhaldi hefði hann boðið henni að koma út með sér. Hún hefði talið að hann vildi fara út að reykja og farið með honum. Þau hefðu gengið út á bifreiðastæði. Þar hefði hann farið að tala um að hún vildi hann, hann hefði verið til í hana síðustu fjóra mánuði og væri búinn að vera að fylgjast með henni og fleira slíkt,“ er haft eftir stúlkunni í dóminum.

Kristófer sagði fyrir dómi að þau hafi átt samræði með hennar samþykki. „Hann hefði opnað framdyr bifreiðarinnar en lyklarnir hafi ekki verið þar. Þá hefði hann opnað afturdyrnar og fundið lyklana þar í úlpuvasa. Hann kvað þau hafa verið að ræða saman en mundi ekki um hvað. Hann kvaðst ekki muna til þess að þau hefðu kysst og þau hefðu ekki rætt neitt kynferðislegt. [Konan] hefði staðið við bensínlokið. Hún hefði verið í dökkum leggingsbuxum sem hún hefði tekið niður á hæla. Hann hefði tekið þessu sem kynferðislegum skilaboðum og sjálfur tekið niður um sig buxurnar. Á meðan hefði hún sest inn í bifreiðina og svo lagst niður. Hann hefði farið ofan á hana og þau hefðu haft samfarir sem hafi ekki staðið lengi yfir. Hvorugt þeirra hefði sagt neitt á meðan. Hann kannaðist ekki við að hafa sagt henni að hann væri hrifinn af henni,“ segir í dómi Landsréttar.

Konan sagði fyrir dómi að hún hefði ítrekað gefið í skyn að hún vildi ekki samræður. „Hún hefði ítrekað sagt nei, sagt að hún ætti kærasta og nefnt nafn stráks sem hún hefði verið að hitta. Hún hefði svo frosið en haldið áfram að segja „nei“, „ekki gera þetta“ og „hættu“. Ákærði hefði þó ekki hætt fyrr en hann hefði „fengið það“ í bifreiðinni. Þetta hefði tekið nokkrar mínútur og hann hefði ekki sagt neitt á meðan,“ segir í dómi.

Dómari komast að þeirri niðurstöðu að þó bæði stúlkan og Kristófer hafi verið stöðug í framburði þá hafi framburður vitna sýnt að hún hafi ekki verið samþykk samræðinu. Hann var dæmdur í þriggja ára fangelsi í Héraðsdómi Reykjavíkur í fyrra en líkt og fyrr segir mildaði Landsréttur þann dóm á dögunum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Myndir af strönduðu skútunni

Myndir af strönduðu skútunni
Fréttir
Í gær

Klám tekið upp í Neskaupstað: „Margir hér í bænum horfðu á það“

Klám tekið upp í Neskaupstað: „Margir hér í bænum horfðu á það“
Fréttir
Fyrir 2 dögum

Undarlegt athæfi á Suðurlandi: Fylgdi sjúkrabíl eins og skugginn

Undarlegt athæfi á Suðurlandi: Fylgdi sjúkrabíl eins og skugginn
Fréttir
Fyrir 2 dögum

Hælisleitandi hótaði að afhöfða íslenskan lögreglumann – Nefbraut konu í Keiluhöllinni – „Alltaf langað til þess að drepa kristna manneskju“

Hælisleitandi hótaði að afhöfða íslenskan lögreglumann – Nefbraut konu í Keiluhöllinni – „Alltaf langað til þess að drepa kristna manneskju“
Fréttir
Fyrir 3 dögum

Hatursglæpur við Bónus: Þórunn segir íslenska konu hafa hrækt á múslíma

Hatursglæpur við Bónus: Þórunn segir íslenska konu hafa hrækt á múslíma
Fréttir
Fyrir 3 dögum

Barnið er íslenskt: Hrollvekjandi mynd Bleyju-Böðvars – „Þetta er minn gaur“

Barnið er íslenskt: Hrollvekjandi mynd Bleyju-Böðvars – „Þetta er minn gaur“