Á dögunum birtist frétt á Vísi þar sem kom fram að íbúð, sem fastafulltrúi Íslands hjá Sameinuðu þjóðunum í New York, nýtir sér. Mánaðarlegur leigukostnaður við þá íbúð er 18.000 dollarar á mánuði eða það sem samsvarar rúmlega tveimur milljónum króna á mánuði. DV hafði samband við utanríkisráðuneytið til að geta fengið að vita um það bil hvar íbúðin er staðsett í New York en eina sem ráðuneytið gaf upp var að hún væri á austurhluta Manhattan eyju. DV ákvað því að skoða fasteignir á leigu í New York og sjá hvernig íbúðir maður getur fengið að leigu fyrir sömu upphæð og íbúð fastafulltrúa Íslands hjá Sameinuðu þjóðunum kostar. Bergdís Ellertsdóttir er fastafulltrúi Íslands hjá Sameinuðu þjóðunum.
Íbúðin kostar eingöngu 15.000 dollara á mánuði og er 205 fermetra á tveimur hæðum. Í íbúðinni eru 2 svefnherbergi og 2 baðherbergi ásamt því að öll húsgögn fylgja, þar með þetta glæsilega billjard borð sem sést á myndinni. Dyravörður er í byggingunni.
Þessi íbúð kostar það sama og ríkið er að greiða í dag, eða 18.000 dollara. Hún er 223 fermetrar og með rúmlega 5 metra í lofthæð. Í íbúðinni eru 2 svefnherbergi og 3 baðherbergi ásamt sérstöku fataherbergi. Öll húsgögn fylgja íbúðinni og er meðal annars heitur pottur í einu af baðherbergjunum.
Þessa íbúð getur þú einnig fengið á 18.000 dollara á mánuði. Hún er 219 fermetrar með 3 svefnherbergjum og 2 baðherbergjum. Dyravörður er staðsettur í byggingunni allan sólarhringinn ásamt því að nuddheitapottur er í einu af baðherbergjunum.
Þessi íbúð er staðsett í Trump World Tower og er eingöngu örfáum metrum frá höfuðstöðvum Sameinuðu þjóðanna. Leiguverðið er eingöngu 17.900 dollarar á mánuði á þessari 287 fermetra íbúð sem inniheldur meðal annars 3 svefnherbergi og 2 stórar stofur. Leigjandinn fær aðgang að líkamsræktarstöð í byggingu ásamt sundlaug og sauna.
Þetta er eingöngu brot af þeim fjölmörgu íbúðum sem eru í boði á Manhattan. Lesendur geta farið inná þessa síðu til að skoða frekar hvaða glæsilegu íbúðir það getur leigt fyrir sama pening og ríkið greiðir í leigu fyrir sína.
