Súperstjarnan Ed Sheeran tilkynnir hér með um tónleikaferðalag um heiminn á næsta ári og tímamótatónleika á Íslandi laugardaginn 10. ágúst 2019 á Laugardalsvelli.
Þetta kemur fram í tilkynningu frá Senu Live.
Tónleikaferðalagið mun standa yfir frá maí til ágúst 2019 og kemur Ed að auki fram í Frakklandi, Portúgal, Spáni, Ítalíu, Þýskalandi, Austurríki, Rúmeníu, Tékklandi, Lettlandi, Rússlandi, Finnlandi, Danmörku og Ungverjalandi áður en hann lokar túrnum í heimalandi sínu, Bretlandi.
Miðasala hefst á slaginu kl. 9 að íslenskum tíma fimmtudaginn 27. september fyrir alla tónleikana í túrnum, þar með talið tónleikana á Íslandi. Miðasalan á Íslandi fer fram á Tix.is/ED.