Á öðrum tímanum í nótt var tilkynnt um innbrot í verslun í Breiðholti. Málið er til rannsóknar en enginn hefur verið handtekinn vegna þess. Tveir voru handteknir í austurborginni í nótt vegna rannsóknar á líkamsárásarmáli. Báðir voru þeir vistaðir í fangageymslu.
Fjórir ökumenn voru handteknir í nótt grunaðir um að vera í vímu. Tveir eru grunaðir um að hafa verið undir áhrifum áfengis og hinir tveir að hafa verið undir áhrifum fíkniefna. Einn fjórmenninganna reyndist einnig vera sviptur ökuréttindum.