Fjölmiðlamaðurinn Atli Fannar Bjarkason segir ástandið í dagvistunarmálum í Reykjavík hætt að vera fyndið. Hann leitar nú logandi ljósi að dagvistunarúrræði fyrir son sinn og biðlar til vina og vandamanna að hafa augun opin.
„Ég elska Reykjavík en þetta ástand í dagvistunarmálum er hætt að vera fyndið. Eða orðið mjög fyndið á sama hátt og það er fyndið að sjá fólk detta á rassinn,“ skrifar Atli í grein á Facebook. Hann greinir frá því að hann og kona hans hafi fullnýtt fæðingarorlof og við tekur mikil óvissa.
„Hvað gera ráðalausir foreldrar í Reykjavík almennt? Ég skil ekki alveg af hverju maður ætti að búa hérna ef manni finnst gaman að búa til börn. Það kostar pening að gefa þessu að éta og skotheldasta leiðin til að búa til peninga er að fara út og vinna. Reykjavík, skrifaðu þetta hjá þér,“ skrifar Atli sem fékk þau svör frá Reykjavíkurborg að ekki væri pláss á leikskóla fyrir son hans fyrr en næsta haust.
Atli biðlar til fólks sem kann að vita um lausn að hafa samband. „Við þiggjum allar ábendingar um laus pláss með þökkum — við tökum bæði við slíkum skilaboðum.“
