Sjónvarpskokkurinn Jamie Oliver er hylltur af nágrönnum sínum eftir að hann tæklaði innbrotsþjóf sem herjaði á hverfi Olivers í norðurhluta Lundúna. Atvikið átti sér stað á þriðjudagskvöld í síðustu viku.
Samkvæmt heimildum breska dagblaðsins Mirror mun Oliver hafa heyrt hávær hljóð koma frá heimili nágranna síns, þegar hann var á leið niður til að athuga hvað væri í gangi þá gekk hann beint í flasið á innbrotsþjófnum sem var kominn inn á heimili Olivers.
Jamie reiddist mjög við að sjá innbrotsþjófinn og elti hann út á götu, þar tæklaði hann þjófinn niður og hélt honum þangað til lögregla kom á staðinn. Nágrannar segja að Oliver hafi verið kátur þegar hann ræddi við lögreglu eftir atvikið.
Fjölskylda Olivers, eiginkona hans Jooles og börn þeirra fimm, földu sig á efri hæð hússins þegar atvikið átti sér stað. Talið er að innbrotsþjófurinn hafi brotist inn í mörg hús í hverfinu, þar á meðal heimili fyrirsætunnar Kate Moss.