Helga Sigrún Hermannsdóttir, Þjóðhátíðargestur hrósar gæslunni á hátíðinni í hástert í færslu sem hún birtir á Twitter í dag. Helga Sigrún segist upplifa sig örugga í Herjólfsdal en segir mikilvægt að gæslumenn á hátíðinni séu sífellt með augun opin.
„Spurð trekk í trekk hvort ég þekki vini mína og hvort ég sé ok. FALLEGT,“ skrifar Helga meðal annars í færslu sem sjá má hér að neðan.
okei gæslan a þjoðhatið er svo góð!!!! finnst þetta svo æðislegt. spurð trekk i trekk hvort eg þekki vini mina og hvort ég sé ok? FALLEGT
— Helga Sigrún (@heilooog) August 5, 2018
„Hér er allt morandi í starfsmönnum sem eru duglegir að spjalla við mann og ég upplifi mig sérstaklega örugga hér í Dalnum,“ segir Helga Sigrún í samtali við DV.
„Ég hef nokkrum sinnum verið ein að labba með karlkyns vini mínum og ég er alltaf spurð hvort við þekkjumst og hvort það sé ekki allt í góðu,“ bætir Helga við.