Páll Magnússon, þingmaður Sjálfstæðisflokksins og Vestmanneyingur starfaði sem sjálfboðaliði í gæslu á Þjóðhátíð í Eyjum í gær, ásamt dóttur sinni, Eddu Sif Pálsdóttur, fjölmiðlakonu. Hlutverk þeirra feðgina var að ganga úr skugga um að gestir hátíðarinnar væru með aðgangsband og ef marka má Twitter-færslu Eddu gaf Páll engan afslátt.

Með færslunni sem sjá má hér að neðan fylgir myndband þar sem sjá má að rapparinn JóiPé var sendur í röðina að fá sér armband eins og allir aðrir. „JóiPé hélt að hann gæti valsað armbandslaus inn í Dalinn. Okkar maður var á öðru máli,“ skrifar Edda Sif

„Enginn inn nema með armband,“ segir Páll sem virðist sinna starfi sínu með mikilli festu eins og sjá má á myndbandinu hér að neðan.

JóiPé hélt að hann gæti valsað armbandslaus inn í Dalinn ???Okkar maður var á öðru máli. pic.twitter.com/KzqyEj2KVK

— Edda Sif Pálsdóttir (@EddaSifPalsd) August 3, 2018